CELEBRACIÓN DO "DÍA INTERNACIONAL DA NON VIOLENCIA"

Aproveitando o aniversario do nacemento de Mahatma Gandhi, que pon data á celebración deste día tan importante para a humanidade, as formiguiñas falaron da violencia, do que significa, e  das cousas malas que xenera e pola contra, tamén se falou e escribiu sobre as cousas boas que debemos favorecer, inculcar e practicar como o amor, os bicos e os abrazos, os sorrisos, etc.
Eles foron dicindo accións e comportamentos que lles parecían que estaban mal e outros que si lles gustaban e eran positivos como o amor entre as persoas, polos animais, a convivencia, entre outros moitos. 
Escribiron na PDI palabras boas e positivas e despois, plasmaron nun debuxo individual, unha estampa do que para eles era a paz e a felicidade.
Fixeron corazóns coa plastilina rosa e vermella, montáronos cos pinchiños, debuxáronos nas pizarras pequenas e ata montaron, improvisadamente, unha libraría onde vendían libros pero que se pagaban con bicos; unha experiencia fermosa!!!
A ver se todos os días son " de non violencia" e predigamos co noso exemplo para tentar contribuír á formación dun mellor futuro, cheo de paz e amor.
Pon o teu gran de area!!!!